Sudha Chandran dazzles dance lovers even after decades

Sudha Chandran is regarded as one of the finest Bharatanatyam dancers of our country who started her dancing career at a very early age. Although she hails from Thrissur, she was brought up in Mumbai. She was lucky enough to have started her training at the early age of 4 because of her mother’s interest. Her dance debut happened when she was 8. She became popular in the dancing circuit within a span of four years. When her career was peaking while leading a balanced student - dancer life, she met with an accident. At that point of time she was pursuing her pre-degree classes. That incident had a severe impact which resulted in below-knee amputation for her right leg.

Days of struggle 

Drawing inspiration from her father’s words she decided to fight it out and show case that overcoming hardships is the successful way of leading life. It was when the whole world thought her future had ended even before it started, she proved them wrong. She made a comeback with the help of prosthetic Jaipur foot. Dr. Sethi who had conceptualized this prosthetic leg responded to her when she asked whether she could dance again. He said ‘Why Not?’. She went through her toughest days of her life. With utmost dedication and hard work she performed again after two years in Mumbai marking the comeback of a great dancer. During her comeback days she had to withstand severe pain after her performances. Many have drawn inspiration from this struggle. This phase of her life is sure to be a ray of hope for those who have come across something similar to this in life specially at a young age. Sudha herself said once that she could never ever relive or rewrite those two years again.


Sudha entered the world of cinema in early 80’s where she shot to fame with the Telugu movie ‘Mayuri’ (1984) which was remade to Hindi (Nache Mayuri) in 1986. She was the lead actress in both the versions. She received Special Jury Award during the 1985 National awards for her role in Mayuri. The film was special in many ways as it was based on her real life. The story portrayed the life of a dancer who fights back to re-enter into the world of dance after having met with an accident. Apart from Telugu & Hindi movies she has acted in Tamil, Malayalam, Gujarathi & Bengali movies.

Mini-screen presence 

She enjoys a much wider fan base among the TV audience as she has acted in some of the most successful serials of its times like Kaahin Kissii Roz (Hindi). She has acted in Tamil & Hindi serials. A few of her famous works include K. Street Pali Hill(Hindi), Arasi(Tamil), Chandrakanta (Hindi), Hum Paanch(Hindi) , Jhilmil Sitaaron Ka Aangan Hoga (Hindi) and Thendral(Tamil). She was one of the most sought after TV star for character roles. She is active in many judging panels for reality shows in various channels. Super Dancer Junior in Amrita TV was the popular among them. 

At Present 

She is currently spearheading an academy Nache Mayuri. Ravikumar Dang, Sudha's husband is the executive director of the school. She is performing in many famous dance festivals and even hogged the limelight at 150th birth anniversary celebration of Rabindranath Tagore.

Her latest project is called Shakthi in which portrays various emotions of the Goddess. She performed this Ballet for the first time at Nagpur. She recently performed at Tagore Hall, Calicut (Kozhikode). She vowed the audience with ease where they were able to see glimpses of an outstanding dancer in different segments Nache Mayuri, Viswanayak, Sri Ramachandra and many more.

Photo Gallery

Photo Courtesy |
Article By | Jeeth Yesudas

Gaanagandharvan graces the Soorya festival for the 36th time

The Classical concert by Dr.K.J.Yesudas on Oct 1st, 2012 at Anathapuri Auditorium (Jagathy) was a dream come true for many when the Celestial Singer came down heavily with his musical Midas touch to please all the serious musical lovers at the capital city. It was indeed a special occasion for the singer too who was performing for the 36th successive year in Soorya festival. Adding to the glory was yet another feat of his completion of 50 years in playback singing. The event marked the opening ceremony of the dance & music festival.

The event started off with an address by the organizers reading out a special note handwritten by Lata Mangeskar congragulating Dr K.J.Yesudas for his glorious 50 years of musical expedition. The singer got a standing ovation when he entered the scene though it’s nothing more than a cliche for a singer with this stature. With an introduction and a humble note to the audience Dassettan reminded that he is still a student in the ocean of music. He praised Soorya Krishnamoorthy for conducting the events for more than three decades in an elegant manner. Yesudas was accompanied by Mahadeva Sharma (Violin), Changanassery Harikumar (Mridangam) and Thripoonithra Radhakrishnan (Gadam).

Started off with the Om sthuthi and Sree Ganeshanatha keerthana. Then it was purely a divine experience for all. With the perfect backing from the accompanied musicians the concert was in full flow with intermittent interaction by Yesudas (mixed with Tamil & Malayalam) with the audience to make sure he connected well with them. Crowd enjoyed some light moments too during instances when he called Soorya Krishnamoorthy through the microphone referring to the rising temperature inside the hall. The reference he made to a raga for which three different names were credited by different musical connoisseurs was informative. Then followed the Pakkala, Alai paayuthe, and a beautiful ode to Lord Ganesha along with few popular ragas. Recently recorded Dakshinaamoorthy’s composition ‘Thampooru naadagaanadwaniyil’ was rendered as a tribute to his master. The Hindi song Shadjane Paya Yeh Varadan from the unreleased Hindi film Tansen composed by Ravindra Jain was rendered with ease which showcased the great medley of different ragas put together. When the traditional Harivarasanam was recited the whole crowd joined to the tunes with that being the one very close to their hearts. The concert came to an end after two more renditions.

All present at Ananthipuri auditorium during this musical extravaganza were experiencing the divine music in its purest form from the legend and it left no one shy away from tapping the feet or nodding the heads according to the rhythm. One of the finest singers of our generation was exploring the various ragas in great style. It was yet another proof that he is indeed one of the great ambassadors for classical music with the popularity he enjoys in the Indian music industry. Gifted with a voice that can traverse the three octaves with effortless ease and having timbre and magnetic pull, he maintains this with his commitment and sheer hard work. Singer admitted that it is because of his ultimate sacrifice by refraining from many distractions, that makes him sing at this age without serious issues for the breath control.

‘Ganagandharvanu Sooryavandanam’ — an exhibition of photos and news clippings of Yesudas coordinated by Alex Vallikunnam was held showcasing the singer at Soorya festival during the last 36 years. It made many fans revisit those glorious moments and also the Singer had a walk down memory lane. 

Review By | Jeeth Yesudas
Photography | Arun Vijay

കൈരളിക്ക്‌ ലഭിച്ച കുഞ്ചന്‍റെ തുള്ളല്‍ത്രയം

കേരളത്തിന്‍റെ പാട്ട് സാഹിത്യത്തിന് പലേ ശാഖകള്‍ സ്വത്തായി ലഭിച്ചിട്ടുണ്ട്. അവകളുടെ മുഖ്യധാരയില്‍ എക്കാലവും മാന്യവും മനോഹരവുമായ സ്ഥാനത്ത് നിലയുറപ്പിക്കുവാന്‍ കെല്പ്പുള്ള രംഗാവിഷ്ക്കാരമാണ് ഓട്ടന്‍തുള്ളല്‍. തുള്ളല്‍ സാഹിത്യം എന്ന പ്രസ്ഥാനത്തിന്‍റെ പ്രണേതാവായ കലക്കത്ത് കുഞ്ചന്‍ നമ്പ്യാര്‍ തന്‍റെ നാവും നാരായവും ശരീരഭാഷയും സമര്‍പ്പിച്ചുണ്ടാക്കിയതാണ് ഈ ധന്യകല. കിള്ളികുറിശ്ശിമംഗലത്ത് ജനിച്ചു, കിടങ്ങൂരും കുടമാളൂരും ജീവിച്ച് അനുഭവവും അറിവും നേടിയ ശേഷം ചെമ്പകശ്ശേരിയിലെത്തുന്നു . അവിടെ അമ്പലപ്പുഴയില്‍ ചാക്യാരുടെ മിഴാവ് കൊട്ടി കാലം കഴിക്കുന്നതിനിടയില്‍ ആ സകലകലാവല്ലഭനില്‍ നിന്ന് മലയാളക്കരയ്ക്ക് ഈ സമ്മോഹന സംസ്കൃതി സമ്മാനമായി കിട്ടി. തനിക്ക് വശപ്പെട്ടിരുന്ന കൂത്തും കൂടിയാട്ടവും സര്‍വ്വാകര്‍ഷകമായ നാടോടിക്കലാരൂപങ്ങളുമായി സമന്വയിപ്പിച്ച് കൊണ്ട് നമ്പ്യാര്‍ അവതരിപ്പിച്ചതാണ് ഓട്ടന്‍തുള്ളല്‍. ഓട്ടന്‍തുള്ളല്‍ എന്ന് പറഞ്ഞാല്‍ ശീതങ്കന്‍തുള്ളല്‍, ഓട്ടന്‍തുള്ളല്‍, പറയന്‍തുള്ളല്‍ എന്നീ തുള്ളല്‍ ത്രയം എന്നര്‍ത്ഥം.സാഹിത്യസാഗരങ്ങളിലൊന്നായ തുള്ളല്‍ പ്രസ്ഥാനത്തിന്‍റെ സാഹിത്യാംശങ്ങളുടെ ഒരു നേരിയ ഭാഗത്ത് പോലും കടക്കാതെ, അദ്ദേഹത്തിന്‍റെ വാഗ്മയ രൂപങ്ങളുടെ സമീപത്തു പോലും സന്ദര്‍ശിക്കാതെ കേവലം ആഹാര്യാംശങ്ങളിലേക്ക് മാത്രം ഒരു മിന്നല്‍ വെട്ടം നമുക്ക് തെളിച്ചു നോക്കാം.

കുഞ്ചന്‍റെ കാലത്തിനു മുമ്പ് തന്നെ കേരളത്തില്‍ പടയണി തുള്ളല്‍, കോലം തുള്ളല്‍, തുമ്പി തുള്ളല്‍, വെളിച്ചപ്പാട് തുള്ളല്‍, കണിയാന്‍ തുള്ളല്‍ തുടങ്ങിയ തുള്ളല്‍ വിഭാഗങ്ങള്‍ നിലവിലുണ്ടായിരുന്നു. ഇവകളുടെ സ്വാധീനം പരിഷ്കൃത തുള്ളല്‍ പ്രസ്ഥാനത്തിന് ഉണ്ടായിട്ടുണ്ട് എന്നുള്ളതും അഭിമാനിക്കാന്‍ വകയുള്ളതാണ്. തുള്ളല്‍ ത്രയത്തില്‍ തുള്ളല്‍ക്കാരന്‍ തന്നെയാണ് പാട്ടുപാടി നയിക്കുന്നത്. പിന്നണിക്കാരനായ കൈമണിക്കാരന്‍ തുടര്‍പാട്ട് പാടുന്നു. വാദ്യത്തിന് ഒരു മൃദംഗക്കാരനുമുണ്ടാകും. ഇത്രയുമാണ് തുള്ളലിനുള്ള ലളിതമായ അരങ്ങ് സംവിധാനം. കുരുത്തോലയും കുലവാഴയും കരിക്കിന്‍ കുലയും കെട്ടി അലങ്കരിച്ച വേദി ഏത് നാടന്‍ കലയ്ക്കുമെന്നപോലെ തുള്ളലിനും അഭികാമ്യമാണ്. ഇങ്ങനെയുള്ള അരങ്ങില്‍, കത്തിച്ചു വച്ച നിലവിളക്കിനു മുമ്പില്‍ തുള്ളല്‍ക്കാരന്‍റെ കച്ചമണി കിലുങ്ങുമ്പോള്‍ സാക്ഷാല്‍ കുഞ്ചന്‍ നമ്പ്യാരുടെ ആത്മാവ് നമ്മുടെയടുത്തു വന്നെത്തുകയാണ്. ആ സകലകലാവല്ലഭന്‍ സ്മരണകളിലൂടെ തുള്ളല്‍ വേദിക്കെപ്പോഴും സാക്ഷിയാവുകയാണ്.


തുള്ളല്‍ പ്രസ്ഥാനത്തിലാദ്യമായി കുഞ്ചന്‍ നമ്പ്യാര്‍ അമ്പലപ്പുഴയില്‍ അവതരിപ്പിച്ചത് ശീതങ്കന്‍തുള്ളല്‍ എന്ന വിഭാഗത്തെയാണ്. കല്യാണസൗഗന്ധികമായിരുന്നു ആദ്യകഥ. പുലയന്‍ എന്ന പദത്തില്‍ നിന്നാണ് ശീതങ്കന്‍ എന്ന പേര് ലഭിക്കാന്‍ ഇടവന്നത് എന്ന് പറയപ്പെടുന്നുണ്ട്. ഓട്ടന്‍ തുള്ളലിനേക്കാള്‍ അല്പം കൂടി വേഗത കുറഞ്ഞ രീതിയാണിത് അവലംബിക്കാറ്.

മുഖം മിനുക്കി, വാലിട്ടു കണ്ണെഴുതി, പൊട്ടും തൊട്ട് സുന്ദരമായ മുഖവുമായാണ് ശീതങ്കന്‍ തുള്ളല്‍ക്കാരന്‍റെ വരവ്. തലയില്‍ ഇടതു വശത്ത് മുകളിലായി അര അടി പൊക്കത്തില്‍ കൊണ്ട കെട്ടിവച്ച് തുണികൊണ്ട് ആകര്‍ഷകമായി പൊതിഞ്ഞിരിക്കും. കുരുത്തോലകൊണ്ടുള്ള ഒരു അലങ്കാരപ്പണി കൂടി തലയ്ക്കു ചുറ്റും ഉണ്ടാകും. കൂടാതെ കുരുത്തോല കൊണ്ട് നിര്‍മ്മിച്ചതായ പാവാടയും കുരുത്തോല മാലകളും തുള്ളല്‍ക്കാരന്‍റെ വേഷത്തിന് പുതുമ പകരുന്നു. സര്‍പ്പാകൃതിയില്‍ മെനഞ്ഞെടുത്ത കുരുത്തോല മാലകള്‍ കഴുത്തിലും കൈകളിലും അണിയുന്നു. കാലുകളില്‍ ഓട്ടന്‍തുള്ളലിനുള്ള ചിലമ്പുകള്‍ കെട്ടുകയും ചെയ്യും. 

കല്യാണസൗഗന്ധികം, സുന്ദോപസുന്ദോപാഖ്യാനം, ഹനുമദുത്ഭവം, കാളിയമര്‍ദ്ദനം, ഹരിണീസ്വയംവരം, കൃഷ്ണലീല, നൃഗമോക്ഷം, ബാല്യുത്ഭവം തുടങ്ങിയവ ശീതങ്കന്‍തുള്ളല്‍ വിഭാഗത്തില്‍പ്പെടുന്നു.


തുള്ളലെന്നു പറഞ്ഞാല്‍ തന്നെ ഓട്ടന്‍തുള്ളല്‍ എന്നാണര്‍ത്ഥം കല്പ്പിക്കുന്നത്. അത്രമേല്‍ ജനകീയമാണ് ഈ വിഭാഗം. അങ്ങനെ വിചാരിച്ചാലും പറഞ്ഞാലും അതിലൊട്ട് തെറ്റുമില്ല. അത്രയ്ക്ക് അംഗീകൃതമാണത്. ഗാനരീതികളുടെ മനോഹാരിത ഓട്ടന്‍തുള്ളലിന് കൂടുതല്‍ ആകര്‍ഷണീയത നല്‍കുന്നു. സംഗീതവും തുള്ളലും സാമാന്യേന ദ്രുതകാലത്തില്‍ ഉള്ളതാണ്. ഓടികൊണ്ടുള്ള തുള്ളല്‍ എന്നുള്ള അര്‍ത്ഥം നല്‍കുന്ന ഓട്ടന്‍തുള്ളലിനെ ഓട്ടം തുള്ളല്‍ എന്നും അറിയപ്പെടും. അങ്ങനെ പറയുന്നതും ശരിയായ പ്രയോഗം തന്നെയാണ്.

നര്‍മ്മ ഭാഷണങ്ങളും, അതിനു ഏറെ യോജിച്ച അംഗചലനങ്ങളും മധുരഗാനങ്ങല്‍ക്കൊപ്പമാകുമ്പോള്‍‍ അരങ്ങിനു ഇമ്പം കൂടും. ഫലിത പ്രയോഗങ്ങളും പരിഹാസങ്ങളും തുള്ളലിന്‍റെ രംഗവിജയത്തിന്‍റെ മേഖലകളാണ്. കുഞ്ചന്‍ നമ്പ്യാരുടെ ലോകോക്തികള്‍ നിറഞ്ഞ പദപ്രയോഗങ്ങള്‍ മനുഷ്യന്‍റെ മനസ്സില്‍ രാസ പരിണാമങ്ങളും ചിന്തയുടെ പുന:സൃഷ്ടിയും നടത്തും. നമ്പ്യാരുടെ തുള്ളലില്‍ രൂപം കൊണ്ട ചൊല്ലുകളൊക്കെത്തന്നെയാണ് നമ്മുടെ സ്വത്തായി മാറിയ പഴഞ്ചൊല്ലുകളായി ഇന്നും ജനമനസ്സുകളെ തലോടുന്നത്. ഓട്ടനില്‍ മുഖത്ത് പച്ച മനയോല തേയ്ക്കുന്നതിനോടൊപ്പം ചുട്ടിയുടെ നേരിയ അരിക് പിടിപ്പിക്കും. കണ്ണും പുരികവും നീട്ടിയെഴുതും. ചുണ്ടപ്പൂവിന്‍റെ അരിയിട്ട് കണ്ണുകള്‍ ചുവപ്പിക്കും. കടക കങ്കണങ്ങള്‍ കൈകളിലും, മാര്‍മാല കഴുത്തിലും ചാര്‍ത്തുന്നു. കാലില്‍ ചിലമ്പ് ധരിക്കുന്നു. അര്‍ദ്ധ വൃത്താകൃതിയുള്ള കിരീടം പ്രധാനമാണ്. ഞൊറിയുള്ള പാവാട അണിയും. ഘോഷയാത്ര, സ്യമന്തകം, കിരാതം, നളചരിതം, രുക്മിണീ സ്വയംവരം, രാമാനുചരിതം, സന്താന ഗോപാലം, ബാണയുദ്ധം, കാര്‍ത്തവീരാര്‍ജ്ജുന വിജയം, ബക വധം തുടങ്ങിയവ ഓട്ടന്‍തുള്ളല്‍ വിഭാഗത്തില്‍പ്പെടുന്നു.


ഓട്ടന്‍തുള്ളല്‍, ശീതങ്കന്‍തുള്ളല്‍ എന്നീ വിഭാഗങ്ങളെക്കാള്‍ പതിഞ്ഞ മട്ടിലും ഈണത്തിലുമുള്ളതാണ് പറയന്‍തുള്ളല്‍. തുള്ളല്‍ രീതിയിലെ സംഗതികള്‍ക്ക് പറയ സമുദായവുമായി നേരിട്ട് ബന്ധമൊന്നുമില്ല. എന്നാല്‍ ചോടുകള്‍ക്ക് ബന്ധമുണ്ടുതാനും. ഓട്ടനോ, ശീതങ്കനോ അവതരിപ്പിക്കുന്നതിന്‍റെ പകുതി സ്ഥലങ്ങളില്‍ പോലും പറയന്‍തുള്ളല്‍ നടത്തി വരുന്നതായി കാണുന്നില്ല. അത്രമേല്‍ സ്വീകാര്യത ഇല്ലെന്നുതന്നെ പറയാം.ആഹാര്യമായ ഭംഗിക്കുറവ്, ആട്ടവും പാട്ടും അവതരിപ്പിക്കുന്നതിന്‍റെ ചടുലതയില്ലായ്മ എന്നിവകൊണ്ടാകാം സ്വീകാര്യത കുറയാനിടയായത്.

പാമ്പിന്‍റെ പത്തിയുടെ ആകൃതിയുള്ള ഒരു കിരീടമണിഞ്ഞിട്ടാണ് ഈ വിഭാഗം തുള്ളാറുള്ളത്. ചുവന്ന പട്ടു ധരിച്ചുകൊണ്ടുള്ള വളരെ ലളിതമായ വേഷ സംവിധാനമേ ഇതിനുള്ളൂ. ദേഹമാസകലം ചന്ദനവും ഭസ്മവും ചേര്‍ത്ത് പൂശിയിട്ടുണ്ടാകും. മുഖത്ത് വലിയ വര്‍ണ്ണത്തേപ്പുമില്ല . ചെറിയ രീതിയില്‍ മിനുക്കിയിരിക്കുമെന്നു മാത്രം. കണ്ണെഴുതിയിട്ടുണ്ടാകും. കഴുത്തില്‍ മാലയും, കൈകളില്‍ കങ്കണങ്ങളും അണിഞ്ഞിരിക്കും. ഒരു കാലില്‍ ചിലമ്പുണ്ടായിരിക്കുമെന്നത് ഒരു പ്രത്യേകതയുമാണ്. 

സുനില്‍ ദത്ത്
ഡയറക്ടര്‍ | നാടന്‍കലാ പഠന കേന്ദ്രം| നാവായികുളം

Tags | Kunchan Nambiar | Ottamthullal or Ottanthullal | Seethankan Thullal | Parayan Thullal | Thullal Thrayam
ഒരു കുഞ്ഞു നാടക കളരി :: രംഗപ്രഭാത്

പ്രകൃതിയെ അനുകരിക്കലാണ് നാടകമെന്ന് ഒ.ന്‍.വി.കുറുപ്പ് പറഞ്ഞിട്ടുണ്ട്. കലകളില്‍ വച്ച് ഏറ്റവും ശ്രേഷ്ഠമായത്. ഒരു കാലത്ത് നാടകങ്ങള്‍ വിപ്ലവകരമായ മാറ്റങ്ങള്‍ ഈ സമൂഹത്തില്‍ നടത്തിയിട്ടുണ്ട്. ഇന്നും വലിയ തോതില്‍ അല്ലെങ്കിലും മാറ്റങ്ങള്‍ ഉണ്ടാക്കുവാന്‍ നാടകങ്ങള്‍ക്ക് കഴിഞ്ഞിട്ടുണ്ട്. അങ്ങനെയൊരു മാറ്റം സൃഷ്ടിക്കുവാന്‍ 42 വര്‍ഷങ്ങള്‍ക്കു മുന്‍പ് തുടങ്ങിയ 'രംഗപ്രഭാത്' എന്ന കുട്ടികളുടെ നാടകവേദിക്കു കഴിഞ്ഞിട്ടുണ്ട്. ഒരു നല്ല സമൂഹം ഉണ്ടാകുന്നതു കുട്ടികളില്‍ നിന്നാണല്ലോ. ഇവിടെ രംഗപ്രഭാത് എന്ന കുട്ടികളുടെ നാടകവേദി അതില്‍ ഒരു നല്ല പങ്കു വഹിക്കുന്നുണ്ട്. 1970 Sep 19 തീയതി പ്രൊഫ. ജി. ശങ്കരപ്പിള്ള ഭദ്ര ദീപം കൊളുത്തി രംഗപ്രഭാതിനു തുടക്കം കുറിച്ചു. തിരുവനന്തപുരത്തു നിന്നും ഏകദേശം 30 km വടക്ക് മാറി ആലുംത്തറ ഗ്രാമത്തിലാണ് രംഗപ്രഭാത് നാടകഗ്രാമം. നാടകവേദിയെക്കുറിച്ചു അറിഞ്ഞു ജി.ശങ്കരപ്പിള്ളയില്‍ നിന്നുള്‍കൊണ്ട് ഗൗരവപൂര്‍ണ്ണമായ സമീപനത്തിന്‍റെ അടിസ്ഥാനത്തില്‍ അധ്യാപകനായ കെ. കൊച്ചുനാരായണപിള്ളയാണ് രംഗപ്രഭാത് ആരംഭിച്ചത്.

പുഷ്പകിരീടം എന്ന ജി. ശങ്കരപിള്ളയുടെ നാടകത്തിലൂടെയാണ് രംഗപ്രഭാത് നാടകവേദി പ്രവര്‍ത്തനമാരംഭിച്ചത്. കുട്ടികളുടെ വെറുമൊരു നാടകവേദി മാത്രമല്ല ഇവിടം. അവരുടെ സര്‍ഗ്ഗാത്മക കഴിവുകളെ ഓരോന്നായി വികസിപ്പിച്ചെടുത്ത്, നല്ല രീതിയില്‍ അവരുടെ ആത്മവിശ്വാസം വളര്‍ത്തിയെടുക്കുന്നു. കുട്ടികളുടെ പ്രായത്തില്‍ ആരംഭിക്കുന്ന നാടകാഭിമുഖ്യം അവരുടെ പ്രായത്തിനൊത്ത് വളര്‍ത്താനും അത് പോഷിപ്പിക്കാനും രംഗപ്രഭാത് ആവിഷ്ക്കരിച്ചിട്ടുള്ള രീതി വളരെ വ്യത്യസ്തമാണ്. അങ്ങനെ ആവിഷ്ക്കരിച്ചതാണ് 'കദംബം', 'കളരി', 'കളം' എന്നിങ്ങനെയുള്ളവ. കദംബം കുട്ടികള്‍ക്കും, കളരി കൗമാരപ്രയക്കാര്‍ക്കും, കളം പ്രായമായവര്‍ക്കും വേണ്ടിയാണ്. ഇവിടെ പ്രായഭേദമന്യേ അവരുടെ കഴിവുകള്‍ ഒട്ടും ആശങ്കയില്ലാതെ പ്രകടിപ്പിക്കാന്‍ സാധിക്കുന്നുണ്ട്.

കുട്ടികളുടെ ഈ നാടകവേദി വിശാലമായ ലോകത്ത് പകച്ചു നില്‍ക്കാതെ അവര്‍ക്ക് മുന്നേറാനുള്ള അന്തരീക്ഷം ഒരുക്കികൊടുക്കുന്നു. തിയേറ്റര്‍ ഗെയിംസ്, കഥ പറയുക, കഥ പറഞ്ഞു അഭിനയിക്കുക, കഥനം, വാസന വികാസ നാടകം, നൃത്തം, നാടന്‍ കലാ പരിശീലനം, മുഖാവരണ നിര്‍മ്മാണ പ്രയോഗം, പാവനിര്‍മ്മാണ പ്രയോഗം, നാടക പരിശീലനം എന്നിങ്ങനെ ഒരു നാടകത്തിനു വേണ്ട എല്ലാ ചേരുവകളും ഈ തട്ടകത്തില്‍ നിന്നും അനായാസം കുഞ്ഞുമനസ്സുകള്‍ക്ക് ഹൃദസ്ഥമാക്കുവാന്‍ കഴിയും. ഇത്തരം ലക്ഷ്യബോധത്തോടെ തുടങ്ങിയ രംഗപ്രഭാത് ഇന്ന് വളര്‍ച്ചയുടെ കൊടുമുടി താണ്ടികഴിഞ്ഞിരിക്കുന്നു. ഇത് കുട്ടികളുടെ നാടകമെന്ന് പറഞ്ഞു മാറ്റി നിര്‍ത്താന്‍ രംഗപ്രഭാത് മറ്റാര്‍ക്കും ഇതുവരെ അവസരം നല്‍കിയിട്ടില്ല. കാരണം ഏതു പ്രായക്കാര്‍ക്കും രുചിക്കുന്ന വ്യത്യസ്ത നാടകങ്ങള്‍ രംഗത്ത്‌ അവതരിപ്പിക്കാന്‍ ഇവിടുത്തെ കുട്ടികള്‍ പ്രാപ്തരാണ്. നാടകം കളിയ്ക്കാന്‍ വല്ലപ്പോഴും കൂടുന്ന ഒരു സംഘടനയല്ലിത്. എന്നും വൈകുന്നേരങ്ങളില്‍ സ്കൂളില്‍ പോയി വന്ന ശേഷം രംഗപ്രഭാതില്‍ ഒത്തുകൂടി പല പല സംഘങ്ങളായി ശുചീകരണ പ്രവര്‍ത്തനങ്ങള്‍ മുതല്‍ ചര്‍ച്ചകള്‍ വരെ നീളുന്ന ദൈനംദിന പ്രവര്‍ത്തനങ്ങള്‍ അവര്‍ നടത്തുന്നു. ഇത്തരം കേളീ വിനോദങ്ങളിലൂടെ അവര്‍ ഒരു നല്ല കൂട്ടായ ജീവിതത്തിന്‍റെ, പൗരധര്‍മ്മത്തിന്‍റെ ബാലപാഠങ്ങള്‍ സ്വയം അനുഭവിച്ചറിയുന്നു. 

പ്രൊഫ: ജി. ശങ്കരപിള്ളയുടെ ആശയത്തെ കൊച്ചുനാരായണപിള്ള രംഗപ്രഭാതിലൂടെ സാക്ഷാത്ക്കരിച്ചപ്പോള്‍ ഒരുപാട് കയ്പ്പേറിയ അനുഭവങ്ങള്‍ അഭിമുഖീകരിക്കേണ്ടി വന്നിട്ടുണ്ട്. തന്‍റെ കുറച്ച്‌ സുഹൃത്തുക്കളും നാട്ടുകാരും ഒരുപോലെ കൊച്ചുനാരായണപിള്ളയുടെ കൂടെ ഉണ്ടായിരുന്നത് ഒരു പരിധിവരെ ഈ കലാക്ഷേത്രത്തെ കൈപിടിച്ച് ഉയരങ്ങിലെക്ക് പറക്കാന്‍ സഹായിച്ചിട്ടുണ്ട്. ആദ്യനാളുകളില്‍ കുട്ടികളുടെ നാടകവേദി എന്ന ആശയം കേരളം മുഴുവന്‍ പ്രചരിപ്പിക്കാനുള്ള പദ്ധതിയുമായി തെക്കേയറ്റം മുതല്‍ വടക്കേയറ്റം വരെ ഒരു ദേശാടന പരിപാടി രംഗപ്രഭാത് സംഘടിപ്പിച്ചു. എല്ലായിടത്തുനിന്നും വളരെയധികം പ്രോത്സാഹനവും പ്രശംസയും നേടാനായി. കേരളത്തിനകത്ത്‌ മാത്രമല്ല ഇന്ത്യയൊട്ടുക്കും രംഗപ്രഭാതിന്‍റെ പ്രവര്‍ത്തനങ്ങള്‍ പ്രസിദ്ധമാണ്. ഡല്‍ഹിയിലെ ബാലഭവന്‍റെ ഒരു ഉപകേന്ദ്രമായി അംഗീകരിക്കാനും അതിനുവേണ്ട അവസരങ്ങള്‍ ഉണ്ടാക്കാനും ഗാന്ധിസ്മൃതി ദര്‍ശന്‍ ഡയറക്ടര്‍ ഡോ: രാധാകൃഷ്ണന്‍റെ നേതൃത്വത്തിലുള്ള സംഘത്തിനു കഴിഞ്ഞു. 

രംഗപ്രഭാതിന്‍റെ സുഹൃത്തും, അച്ഛനും , മുത്തച്ഛനുമായ കൊച്ചുനാരായണപിള്ളയുടെ 2007 ഒക്ടോബറില്‍ ആകസ്മികമായുണ്ടായ മരണം രംഗപ്രഭാതിനെ വല്ലാതെ മൂകമാക്കി. മുത്തച്ഛനായും അദ്ധ്യാപകനായും കുട്ടികളെ ഒരുപോലെ സ്വാധീനിച്ച വ്യക്തിത്വമായിരുന്നു അദ്ദേഹം. അദ്ദേഹത്തിന്‍റെ വിയോഗത്തോടെ രംഗപ്രഭാതിന്‍റെ എല്ലാവിധ കാര്യങ്ങളും ഒറ്റമകള്‍ ഗീതയുടെ ചുമലിലായി. രംഗപ്രഭാതിന്‍റെ എല്ലാ വളര്‍ച്ചയിലും കൂടെയുണ്ടായിരുന്ന മകള്‍ കെ. എസ്‌. ഗീതയാണ് ഇന്ന് ഇതിന്‍റെ ആര്‍ടിസ്റ്റിക് ഡയറക്ടര്‍. ഏഴു വര്‍ഷം ആയപ്പോള്‍ തന്നെ രംഗപ്രഭാതിനെ തേടി നിരവധി പുരസ്ക്കാരങ്ങള്‍ വന്നിട്ടുണ്ട്. 2001 ല്‍ ജപ്പാനും നെയ്യാറ്റിന്‍കര ലോകസേവ ട്രെസ്റ്റും ചേര്‍ന്ന് ഏര്‍പ്പെടുത്തിയ അന്താരാഷ്ട്ര പുരസ്ക്കാരം, 2005 ല്‍ ജി. ഡി. ബിര്‍ള അവാര്‍ഡ്‌, ഗാന്ധിസ്മൃതി ദര്‍ശന്‍ സമിതിയുടെ പുരസ്ക്കാരം, ആര്‍. ജി. മംഗലം പുരസ്ക്കാരം, കണ്ണൂര്‍ മലയാളഭാഷാ പാഠശാല ഏര്‍പ്പെടുത്തിയ പ്രഥമ ജി. ശങ്കരപിള്ള അവാര്‍ഡ്‌ എന്നിങ്ങനെ പോകുന്നു പുരസ്ക്കാരങ്ങള്‍. രംഗപ്രഭാത് എന്നത് ഒരുനാടകവേദി എന്നതിലുപരി ഒരു വ്യക്തിയിലെ നന്മയുടെ അംശങ്ങള്‍ ഇനിയും ചോര്‍ന്നുപോയിട്ടില്ല എന്നതിന്‍റെ ഒരു ഓര്‍മ്മപ്പെടുത്തല്‍ കൂടിയാണ്. ഇവിടെ സംഘടിപ്പിക്കുന്ന ചര്‍ച്ചകളും സംവാദങ്ങളും ചിന്തകളും ഒരു നാടിന്‍റെ സാംസ്ക്കാരികത വിളിച്ചോതുന്ന വിശാലമായ ഭാവനയുടെ ലോകത്ത് ഒഴുകി നടക്കാന്‍ നമ്മെ പഠിപ്പിക്കുന്നു. ഒരു നല്ല സമൂഹത്തെ വാര്‍ത്തെടുക്കാന്‍ ഈ കലാക്ഷേത്രത്തിന്‍റെ പെരുമ ലോകമെങ്ങും എത്തിയോ എന്ന സംശയം മാത്രം ബാക്കിയാവുകയാണ്. എങ്കിലും ആരോഗ്യമുള്ള ഒരു ചെറു സമൂഹത്തെയെങ്കിലും സൃഷ്ട്ടിക്കാന്‍ കഴിയുമെന്ന ചാരിതാര്‍ത്ഥ്യത്തോടെ രംഗപ്രഭാതിനു തലയുയര്‍ത്താം. 

ജീവിതത്തിനു ഒരു താളമുണ്ട്. ആ താളവും നാടകത്തിലെ അന്തര്‍യാമിയായ താളവും പൊരുത്തപ്പെടണം. ആ പൊരുത്തമുണ്ടെങ്കില്‍ മാത്രമേ നമുക്ക് നൃത്യത്തെ ആസ്വദിക്കാനും ആവിഷ്ക്കരിക്കാനും കഴിയൂ. അങ്ങനെ ജീവിതത്തിലെ താളവും നാടകത്തിലെ അന്തര്‍യാമിയായ താളവും പൊരുത്തപ്പെടുത്തുവാന്‍ രംഗപ്രഭാതിനു കഴിയട്ടെ ...

Article by KVT

Tags |Rangaprabhat Guru Kochunarayana Pillai |Prof. G. Sankara Pillai |Artistic director K S Geetha
അരങ്ങത്ത് ഒരു നവരസ ശില്പി - ശ്രീ തോന്നയ്ക്കല്‍ പീതാംബരന്‍

കഥകളി മഹത്തായ ഒരു കലാരൂപമാണ് എന്നതില്‍ സംശയമില്ല. ഈ കല ഇന്ന് കാണുന്ന ഉല്‍കൃഷ്ട പദവിയില്‍ എത്തിയത് ചെറുതും വലുതുമായ കഥകളി കലാകാരന്മാരുടെയെല്ലാം പ്രതിഭയും അര്‍പ്പണ മനോഭാവവും കൊണ്ട് മാത്രമാണ്. കലാജീവിതത്തിലും സ്വകാര്യ ജീവിതത്തിലും സത്യസന്ധനായി ജീവിച്ച് കഥകളിയെ ജീവശ്വാസമായി കരുതി സ്വന്തം അനുഭവ പാഠങ്ങളെ ആസ്വാദകര്‍ക്ക് പകര്‍ന്നു നല്‍കി ഇന്നും പ്രതിഭാധനനായി ജീവിക്കുന്ന പ്രഗല്ഭനായ കഥകളി ആചാര്യനാണ് ശ്രീ തോന്നയ്ക്കല്‍ പീതാംബരന്‍. 

സ്കൂള്‍ തലങ്ങളില്‍ നാടകാഭിനയത്തില്‍ തല്പരനായിരുന്ന ശ്രീ തോന്നയ്ക്കല്‍ പീതാംബരന്‍ ഇന്ന് കഥകളി ആചാര്യനാണ്. സ്കൂള്‍ വാര്‍ഷികാഘോഷത്തില്‍ സ്ത്രീ വേഷത്തിലഭിനയിച്ച ആശാന് പ്രസിദ്ധ നാടകാചാര്യന്‍ ശങ്കരപിള്ളയുടെ പിതാവ് ശ്രീ ഗോപാലപിള്ളയുടെ അഭിനന്ദനവും ആശീര്‍വാദവും ലഭിച്ചു. പക്ഷേ നാടകം എന്ന കല ആയിരുന്നില്ല ഈ കലാകാരന്‍റെ ജീവിതത്തില്‍ സന്തതസഹചാരിയായി എത്തിയത്. 'കഥകളി' എന്ന ഉല്‍കൃഷ്ടമായ മറ്റൊരു കല. വിദ്യാഭ്യാസം തുടരാനാകാത്തത് ആശാന്‍റെ ജീവിതത്തിനു മറ്റൊരു വഴിത്തിരുവായി. കഥകളി കമ്പക്കാരനായ അച്ഛന്‍റെ ആഗ്രഹപ്രകാരം ശ്രീ പിരപ്പന്‍കോട് കുഞ്ഞന്‍പിള്ള ആശാന്‍റെ കീഴില്‍ എട്ടുമാസം കഥകളി അഭ്യസിച്ച് അരങ്ങേറ്റം നടത്തി. ഗുരുകുല വിദ്യാഭ്യാസ രീതിയില്‍ ഓയൂര്‍ കൊച്ചു ഗോവിന്ദപിള്ള ആശാന്‍റെയും പത്മശ്രീ കലാമണ്ഡലം കൃഷ്ണന്‍ നായരാശാന്‍റെ യും വീട്ടില്‍ താമസിച്ചു കഥകളി അഭ്യസിക്കുകയും R L V ഫൈന്‍ ആര്‍ട്സ് സ്കൂളില്‍ എട്ടു വര്‍ഷം പഠിക്കുവാന്‍ അവസരം ലഭിക്കുകയും ചെയ്തു. തുടര്‍ന്ന് കേന്ദ്ര ഗവണ്‍മെന്‍റിന്‍റെ സ്കോളര്‍ഷിപ്പും കരസ്ഥമാക്കിയ അദ്ദേഹം തന്‍റെ ആശന്മാരെയും അഭ്യാസന കാലഘട്ടങ്ങളും സസന്തോഷവും ഗുരുഭക്തിയോടും കൂടി ഓര്‍ക്കുന്നു. 

ആദ്യകാലങ്ങില്‍ വേഷങ്ങള്‍ ലഭിക്കാന്‍ പ്രയാസമായിരുന്ന ആശാന് ഒരു പ്രേക്ഷകനായി കഥകളി കണ്ടിരിക്കേണ്ട അവസരങ്ങള്‍ വരെയുണ്ടായിരുന്നു. തെക്കന്‍ നാട്ടില്‍ വലിയ പ്രാധാന്യമില്ലാതിരുന്ന താടി വേഷത്തിലൂടെ ആശാന് ആസ്വാദകരുടെ ശ്രദ്ധ പിടിച്ചു പറ്റുവാന്‍ കഴിഞ്ഞു. നിരവധി അരങ്ങുകളില്‍ ദുര്യോധനവധത്തിലെ ദുശാസനന്‍ കെട്ടാന്‍ അവസരം ലഭിച്ചിരുന്നു.അങ്ങനെ കത്തി വേഷങ്ങളില്‍ തുടങ്ങി പച്ച വേഷങ്ങിലേക്ക് കടന്ന ആശാനെ തേടി നിരവധി അവസരങ്ങളും അംഗീകാരങ്ങളും എത്തിച്ചേര്‍ന്നു. കഥകളി ആചാര്യന്‍ എന്ന ഇന്നത്തെ ഈ നിലയിലേക്ക് വളരുവാന്‍ നാട്ടിലെ എല്ലാ കലാകാരന്മാരുടെയും സഹപാഠിയായിരുന്ന ശ്രീ മയ്യനാട് കേശവന്‍ നമ്പൂതിരിയുടെയും സഹകരണവും പ്രോത്സാഹനവും ഒട്ടേറെ സഹായിച്ചിട്ടുണ്ടെന്ന് ആശാന്‍ കൃതജ്ഞതയോടെ ഓര്‍ക്കുന്നു. പത്മശ്രീ കലാമണ്ഡലം കൃഷ്ണന്‍ നായരുടെ ശിഷ്യന്‍ എന്ന സ്ഥാനം കഥകളിയുടെ ഓരോ പടവുകള്‍ താണ്ടുമ്പോഴും തനിക്കു തുണയായിട്ടുണ്ടെന്നു ആശാന്‍ ഓര്‍ക്കുന്നു. 

കഥകളിയെ എന്ന പോലെ സ്വന്തം കുടുംബത്തെയും അളവറ്റു സ്നേഹിക്കുന്ന ഒരു വ്യക്തിയാണ് ശ്രീ തോന്നയ്ക്കല്‍ പീതാംബരന്‍ ആശാന്‍. ജന്മം കൊണ്ട് തോന്നയ്ക്കല്‍ സ്വദേശിയാണെങ്കിലും കൊല്ലം ആണ് പ്രവര്‍ത്തന മേഖല. ഭാര്യ അക്കരതോട്ടത്തില്‍ സുവര്‍ണ്ണ തന്‍റെ കലാജീവിതത്തിലെ ഉയര്‍ച്ചക്ക് ഒപ്പമില്ലാതെ ഇഹലോകവാസം വെടിഞ്ഞതില്‍ അദ്ദേഹം ഏറെ ദുഖിതനാണ്. മൂന്നു മക്കള്‍ - ശര്‍മിള, ശ്യാം, സീമ. ഇളയ മകള്‍ സീമ കലാപാരമ്പര്യം തുടര്‍ന്ന് കലാമണ്ഡലത്തില്‍നിന്നും മോഹിനിയാട്ടത്തില്‍ ബിരുദം നേടി. 

സ്വന്തം കലാജീവിതത്തില്‍ നേരിട്ട തിക്താനുഭവങ്ങള്‍ 'ആള്‍ കേരള കഥകളി ആര്‍ടിസ്റ്റ്' എന്ന സംഘടനയ്ക്ക് രൂപം കൊടുക്കാന്‍ അദ്ദേഹത്തെ പ്രേരിപ്പിച്ചു. കലാകാരന്മാരുടെ പിന്തുണയോടു കൂടി സെക്രട്ടറി സ്ഥാനത്ത്‌ നിന്നുകൊണ്ട് സംഘടനയെ ഒരു വിജയമാക്കി തീര്‍ക്കാനും കലാകാരന്മാരുടെ പരാധീനതകള്‍ സര്‍ക്കാരിനെ അറിയിക്കുവാനും സാധിച്ചു. കൊല്ലത്തെ കഥകളി പ്രേമികളെ സംഘടിപ്പിച്ചു കൊണ്ട് 'കൊല്ലം കഥകളി ക്ലബ്ബ് & ട്രെസ്റ്റ്‌' എന്ന സംഘടനയ്ക്ക് രൂപം നല്‍കി. 32 വര്‍ഷം അതിന്‍റെ സെക്രട്ടറി ആയി തുടര്‍ന്ന അദ്ദേഹം ഒരു നല്ല സംഘാടകന്‍ എന്ന പേര് ഇതിനകം സ്വന്തമാക്കി. ഒരു കഥകളി കലാകാരന്‍ സെക്രട്ടറി ആയിരുന്ന ഏക കഥകളി ക്ലബ്ബ് ആയിരുന്നു കൊല്ലത്തേത്. കഥകളി കലാകാരന്മാരുടെ മനസ്സറിഞ്ഞു പല പ്രവര്‍ത്തനങ്ങളും സംഘടിപ്പിച്ച് കേരളത്തിലെ എല്ലാ ക്ലബ്ബുകള്‍ക്കും ഒരു മാതൃകാ ക്ലബ്ബാക്കി അതിനെ മാറ്റിയതില്‍ നിന്നും ആശാന്‍റെ നേതൃപാടവം വ്യക്തമായി തിരിച്ചറിയാം.

കഥകളി പരിഷ്ക്കരണമാണ് ശ്രീ തോന്നയ്ക്കല്‍ പീതംബാരനെ മറ്റുള്ളവരില്‍ നിന്നും വ്യത്യസ്തനാക്കുന്ന മറ്റൊരു പ്രത്യേകത. ആരും അറിയാതെ തന്നെ മാറ്റങ്ങള്‍ വന്നുകൊണ്ടിരിക്കുന്ന കഥകളിയില്‍ സ്വന്തമായി ചില കൈകടത്തലുകള്‍ നടത്തി ആശാന്‍ കഥകളി പരിഷ്ക്കരണത്തിന് പല പല നിറക്കൂട്ടുകള്‍ നല്‍കുന്നു. മഹാകവി ഉള്ളൂരിന്‍റെ ഭക്തിദീപിക എന്ന കവിതയെ ആസ്പദമാക്കിയുള്ള 'ചാത്തന്‍റെ സല്‍ഗതിയിലെ' ചാത്തന്‍, നീലംബേരൂര്‍ വിജയന്‍റെ 'ഗുരുദേവ ചരിതത്തിലെ' ഗുരുദേവന്‍, 'താടകാവധത്തിലെ' താടകാ രാജ്ഞി, കുമാരനാശാന്‍റെ 'വീണപൂവ്‌', 'കരുണ' തുടങ്ങിയവയുടെ കഥകളി ആവിഷ്ക്കാരം പുതുമനിറഞ്ഞ വേഷവിധാനത്തിലൂടെ ആശാന്‍ അവതരിപ്പിച്ച് കഥകളിയിലെ മാറ്റമെന്ന അംഗീകാരം നേടി. 

കൊല്ലം കഥകളി ക്ലബ്ബ് നല്‍കിയ കൊട്ടാരക്കര തമ്പുരാന്‍ അവാര്‍ഡ്‌, ആലപ്പുഴ ജില്ല കഥകളി ക്ലബ്ബ് നല്‍കിയ കുറിച്ചി കുഞ്ഞന്‍ പണിക്കര്‍ അവാര്‍ഡ്‌, കോട്ടയം കളിയരങ്ങ് നല്‍കിയ മാങ്ങാനം കൃഷ്ണപിഷാരടി അവാര്‍ഡ്‌, മദ്രാസ്‌ ശ്രീകൃഷ്ണ ഗാനസഭ നല്‍കിയ ആചാര്യ പുരസ്ക്കാരം, കേരള സംഗീത നാടക അക്കാദമി നല്‍കിയ അവാര്‍ഡ്‌,ഫെല്ലോഷിപ്പ്, ബഹുമതി പത്രങ്ങള്‍, കീര്‍ത്തിമുദ്രകള്‍, ഇതര പാരിതോഷികങ്ങള്‍ തുടങ്ങി നിരവധി പുരസ്ക്കാരങ്ങള്‍ കഥകളിയിലെ ഈ പ്രഗല്‍ഭ ആചാര്യന്‍ സ്വന്തമാക്കിയിട്ടുണ്ട്.അടുത്തകാലത്ത്‌ കേന്ദ്ര സംഗീത നാടക അക്കാദമി അവാര്‍ഡും ഈ എളിമ നിറഞ്ഞ കലാകാരനെ തേടിയെത്തി. 

കഥകളിയുടെ യഥാര്‍ത്ഥ മൂല്യങ്ങള്‍ ശരിക്ക് ഉള്‍ക്കൊണ്ട കലാകാരനാണ് ശ്രീ തോന്നയ്ക്കല്‍ പീതാംബരന്‍. ഈ എണ്ണമറ്റ മൂല്യങ്ങള്‍ നഷ്ട്ടപ്പെട്ടുകൊണ്ടിരിക്കുന്ന ഒരു പ്രവണത കണ്ടുവരുന്നതുകൊണ്ടും അവയെല്ലാം ഒരു രേഖയായെങ്കില്ലും സൂക്ഷിക്കണമെന്ന അതിയായ മോഹം ഉള്ളിലുള്ളതുകൊണ്ടും ആശാന്‍ 'കഥകളി പഠനം' എന്ന ഗ്രന്ഥത്തിന് ജന്മം നല്‍കി. സ്വന്തം അനുഭവങ്ങളെ ഒരു പുസ്തകമാക്കി 'എന്താണ് കഥകളി' എന്ന് അദ്ദേഹം ഇതിലൂടെ ആസ്വാദകര്‍ക്ക് പറഞ്ഞു തരുന്നു. 

സപ്തതിയുടെ നിറവില്‍ നില്‍ക്കുമ്പോഴും ശ്രീ തോന്നയ്ക്കല്‍ പീതാംബരന്‍ ആശാന്‍ കഥകളിയില്‍ തന്‍റേതായ
പരിഷ്ക്കാരങ്ങളും ആവിഷ്ക്കാരങ്ങളും ചിട്ടപ്പെടുത്തുന്നതിന്‍റെ പണിപ്പുരയിലാണ്. കഥകളിയെ മറ്റെന്തിനെക്കാളും സ്നേഹിച്ച് ജീവിത വ്രതമായി അനുഷ്ഠിക്കുന്ന ആശാനെ പുരസ്ക്കാരങ്ങളും ആശംസകളും ഒന്നും മോഹിപ്പിക്കുന്നില്ലെങ്കിലും 'പത്മശ്രീ' എന്ന മോഹന പുരസ്ക്കാരം അദ്ദേഹത്തെ തേടിയെത്തുന്ന ദിവസത്തിനായി ആശംസിച്ചു കൊണ്ട് ആയുസ്സും ആരോഗ്യവും നേരുന്നു.

Article by KVT

Tags | Shri Thonnakkal Peethambaran | Kathakali vesham | Kathakali Artist 
കടയ്ക്കല്‍ വിസ്മയം

മാജിക്കിന്‍റെ അനന്ത സാധ്യതകളെ സമൂഹത്തിന്‍റെ നന്മയ്ക്കായി ഉപയോഗപ്പെടുത്തി വിസ്മയം തീര്‍ക്കുകയാണ് യുവ മജിഷ്യന്‍ ഷാജു കടയ്ക്കല്‍. ഒരു അധ്യാപകന്‍ എന്ന രീതിയില്‍ കുട്ടികള്‍ക്കും മജിഷ്യന്‍ എന്ന രീതിയില്‍ സമൂഹത്തിനും ഒരുപോലെ നന്മയുടെ പാഠങ്ങള്‍ പകര്‍ന്നു നല്‍കി ശ്രദ്ധേയനാകുകയാണ് എസ്.കെ. വി. എച്. എസിലെ മലയാളം അധ്യാപകനായ ഷാജു. ഒന്നാം ക്ലാസില്‍ പഠിക്കുന്ന മകള്‍ ഗോപികയും അച്ഛന് കൂട്ടായി 'മാജിക് വിത്ത് മിഷന്‍' എന്ന പരിപാടിയിലൂടെ എല്ലാ വിശേഷ ദിവസങ്ങളിലും ജില്ലയിലെ വിവിധ സ്കൂളുകളില്‍ വിസ്മയം തീര്‍ക്കാന്‍ എത്തുന്നു.

മാജിക്കിലേക്ക് എത്തിച്ചത്‌ 

വളരെ ചെറുപ്പത്തില്‍ കേട്ടിട്ടുള്ള ഒത്തിരി മുത്തശിക്കഥകള്‍ തന്നെയാകാം എന്നെ സ്വധീനിച്ചത്‌. കുട്ടിചാത്തന്‍റെയും മായാവിയുടെയും മാന്ത്രിക പ്രകടനങ്ങള്‍ അത്ഭുത കഥാപാത്രങ്ങളായി മനസ്സില്‍ മായാതെ കിടന്നിട്ടുണ്ട്. അതിന്‍റെയൊക്കെ ഉറവിടം എന്തായിരിക്കും എന്നറിയുവാനുള്ള അകാംക്ഷയാകാം മാജിക്കിലേക്ക് എത്തിച്ചത്‌. മാജിക് പഠിക്കണമെന്ന ആഗ്രഹം അന്നുമുതല്‍ക്കെ ഉണ്ടായിരുന്നു. 1987 -ല്‍ പ്രശസ്ത മജിഷ്യന്‍ പി.എം. മിത്രയുടെ മാജിക് ഷോ കടയ്ക്കലിലെ ഒരു ഓഡിറ്റോറിയത്തില്‍ വച്ച് കാണാന്‍ അവസരം കിട്ടിയതാണ് എന്റെ ജീവിതത്തില്‍ ഒരു വഴിത്തിരിവായത്‌. 

മാജിക്കില്‍ ഗുരു 

അന്നത്തെ മാജിക് ഷോ കണ്ട ആവേശത്തോടെ ഞാന്‍ ഒരു കത്ത് അദേഹത്തിന് അയക്കുകയുണ്ടായി . മാജിക് പഠിക്കുവാനും അതിന്‍റെ സാധ്യതകള്‍ മനസിലാക്കുവാനും താങ്കളുടെ ശിഷ്യത്വം സ്വീകരിക്കാന്‍ അനുവദിക്കണം എന്നായിരുന്നു കത്തിന്‍റെ ഉള്ളടക്കം. വളരെ താമസിയാതെ കത്തിന്‍റെ മറുപടിയും വന്നു. പഠിക്കുന്ന കുട്ടികളുടെ ചാപല്യം ആയി കാണാതെ മാജിക്കിനോടുള്ള താല്പര്യം മനസ്സിലക്കിയതുകൊണ്ടാകാം അദ്ദേഹം സമ്മതം മൂളുകയായിരുന്നു.

എന്നാല്‍ കോട്ടയം വരെ പോയി മാജിക് പഠിക്കുവാന്‍ അച്ഛന്‍ സമ്മതിച്ചിരുന്നില്ല. എതൊരു അച്ഛനെയും പോലെ പഠിത്തത്തില്‍ ശ്രദ്ധിക്കാന്‍ ആയിരുന്നു ഉപദേശം. പിന്നെ പിന്നെ അച്ഛനറിയാതെ പല സ്ഥലങ്ങളിലും അദ്ദേഹത്തിന്‍റെ മാജിക് കാണാന്‍ പോകുമായിരുന്നു. ഷോ തുടങ്ങും മുന്പ് കുറച്ചു സമയം അദ്ദേഹവുമായി ചിലവഴിച്ച് മാജിക് പഠനം തുടങ്ങി. പ്രീഡിഗ്രിക്ക് പഠിക്കുമ്പോള്‍ എന്‍.സി.സി. ക്യാംമ്പ് എന്ന പേരില്‍ കുറച്ചു നാള്‍ അദ്ദേഹത്തിന്‍റെ വീട്ടിലും പോയി പഠിച്ചു. അങ്ങനെ തുടങ്ങി രണ്ടര വര്‍ഷത്തോളം അദ്ദേഹത്തിന്‍റെ കീഴില്‍ മാജിക് പഠിക്കാനായി..

മജീഷ്യന്‍ എന്നതിലുപരി സ്നേഹവും വാത്സല്യവും നിറഞ്ഞ ഒരു വ്യക്തിത്വത്തിനുടമ കൂടിയാണ് അദ്ദേഹം. അന്നുവരെ മാജിക് പഠിപ്പിക്കുന്നതിനെപ്പറ്റി ചിന്തിച്ചിട്ട് കൂടി ഇല്ലാത്ത അദ്ദേഹം പ്രതിഫലം ഒന്നും വാങ്ങാതെയാണ് എന്നെ പഠിപ്പിച്ചത്. അദ്ദേഹം തന്നെയാണ് എന്‍റെ ഗുരു. ഇപ്പോഴും നല്ല സൗഹൃദം വച്ചുപുലര്‍ത്തുന്നു. 

എസ്.കെ.വി.എച്.എസ് -ല്‍ മലയാളം അധ്യാപകന്‍.

അച്ഛന്‍റെ മാജിക്കിനോടുള്ള സമീപനത്തിനും നിര്‍ബന്ധത്തിനും വഴങ്ങിയാണ് ഷാജു കടയ്ക്കല്‍ സ്ഥിരമായി ഒരു ജോലി നോക്കി തുടങ്ങുന്നത്. അങ്ങനെ 98 -ല്‍ തിരുവനന്തപുരം ജില്ലയിലെ കടബാട്ടുകോണം എസ്.കെ.വി.എച്.എസ് -ല്‍ മലയാളം അധ്യാപകനായി ജോലിയില്‍ പ്രവേശിച്ചു. കുട്ടികളുടെ പ്രിയപ്പെട്ട മാജിക് സാറിന്‍റെ ക്ലാസ്സിലെ വിശേഷങ്ങള്‍ തന്നെയാകും എസ്.കെ.വി.എച്.എസ് -ലെ പ്രത്യേകത. പ്രിന്‍സിപ്പലും, സഹപ്രവര്‍ത്തകരും ഷാജുവിന്‍റെ ആരാധകരും ആസ്വാദകരുമാണ്. സ്കൂളിലെ ഉത്തരവാദിത്വങ്ങള്‍ക്കാണ് ഷാജു പ്രാധാന്യം കൊടുക്കുന്നത്. "ഞാന്‍ കാരണം ക്ലാസ് മുടങ്ങേണ്ട അവസ്ഥ വന്നിട്ടില്ല. വിവിധ സ്കൂളുകളില്‍ മാജിക്കിനായി പോകുമ്പോള്‍ അന്ന് ലീവ് എടുക്കും". സ്കൂളിലെ എല്ലാ പ്രധാന പരിപാടികളിലും ഷാജുവിന്‍റെ മാജിക് ഒരു അവിഭാജ്യ ഘടകമായി മാറിക്കഴിഞ്ഞു. 

മാസ്മരിക പ്രകടനങ്ങള്‍ 

92 ല്‍ കടയ്ക്കലിലെ ഒരു പാരല്‍ കോളേജ് ഓഡിറ്റോറിയത്തില്‍ വച്ചാണ് ഷാജുവിന്‍റെ ആദ്യത്തെ മാജിക് പ്രകടനം. അരമണിക്കൂര്‍ നീണ്ടുനിന്ന പരിപാടിയിലൂടെ സ്വന്തം നാട്ടുകാരെ ഒരു വിസ്മയ ലോകത്തേക്ക് കൂട്ടിക്കൊണ്ടുപോകാന്‍ ഷാജുവിന് കഴിഞ്ഞു. 

ഓണാഘോഷത്തിന്‍റെ ഭാഗമായി 96 ല്‍ നടത്തിയ കണ്ണ് കെട്ടിയുള്ള ബൈക്ക് യാത്രയിലൂടെയാണ് ഷാജുവിന്‍റെ "Special Act " ന്റെ തുടക്കം. കുണ്ടും കുഴിയും നിറഞ്ഞ കടയ്ക്കല്‍- പുനലൂര്‍ റൂട്ടിലെ 80 km ദൂരം 80km/hr വേഗതയില്‍ കണ്ണ് കെട്ടി ബൈക്ക് ഓടിയ്ക്കാന്‍ കഴിഞ്ഞത് ഏറെ ജനശ്രദ്ധ ആകര്‍ഷിച്ചു. 2000 -ല്‍ മാന്ത്രിക ചരിത്രത്തില്‍ ആദ്യമായി ഒരാള്‍ ഒരേ സമയം മൂന്നു സ്ഥലത്ത് പ്രത്യക്ഷപ്പെടുന്ന ജാലവിദ്യ "Hallucination of Krishna" എന്ന പേരില്‍ അവതരിപ്പിച്ചത് ഷാജുവിന്‍റെ കിരീടത്തിലെ ഒരു പൊന്‍ തൂവലായിരുന്നു. കടയ്ക്കല്‍ ജങ്ക്ഷനില്‍ തന്നെ ഉള്ള പൊതുവേദിയില്‍ വിശിഷ്ട വ്യക്തികളെയും നാട്ടുകാരെയും സാക്ഷി നിര്‍ത്തി ആയിരുന്നു ആ പ്രകടനം. തുടര്‍ന്ന് പൊതുവേദിയില്‍ 5 അടി ഉയരമുള്ള ഒരു യുവാവിനെ വെറും 2 അടിയുള്ള കുള്ളന്‍ ആക്കി മാറ്റിയാണ് ഷാജു മാന്ത്രിക ലോകത്തെ ഞെട്ടിച്ചത്. 

മാജിക്കിലൂടെ ബോധവല്‍ക്കരണം 

എസ്.കെ.വി.എച്.എസ് -ലെ കുട്ടികള്‍ക്ക് ഷാജു മലയാളം കവിത പഠിപ്പിക്കുന്നതും മാജിക്കിലൂടെയാണ്. കുട്ടികളുടെ പ്രിയപ്പെട്ട മാജിക് സാറിന്‍റെ ക്ലാസ്സില്‍ ഒരു ദിവസം പഠിപ്പിയ്ക്കുന്നതിനിടെ ചോക്ക് തീര്‍ന്നു പോയി. മാന്ത്രിക വിദ്യയിലൂടെ അന്തരീക്ഷത്തില്‍ നിന്നും ചോക്ക് എടുത്തു ഷാജു ക്ലാസ് തുടര്‍ന്നത് കുട്ടികളെ അത്ഭുതപ്പെടുത്തി. ആ ചോക്ക് മാജിക് സംഭവം സ്കൂള്‍ മുഴുവന്‍ അറിഞ്ഞു. കുട്ടികളുടെ സ്കൂള്‍ വിശേഷങ്ങളായി അത് രക്ഷകര്‍ത്താക്കളിലും എത്തി. പിന്നെ പിന്നെ കാണുന്നവര്‍ ചോദിച്ചു തുടങ്ങി. മെസ്സേജ് പാസ്‌ ചെയ്യുവാന്‍ മാജിക്കിലൂടെ പറ്റുമെന്ന് ചോക്ക് മാജിക്കിന്‍റെ അനുഭവം സാക്ഷ്യപ്പെടുത്തി. അത് തന്നെയാകാം മാജിക്കിലൂടെ ബോധവല്‍ക്കരണം എന്ന ആശയം ഷാജുവിന്‍റെ മനസ്സില്‍ തോന്നാന്‍ കാരണം. "1998" ല്‍ ആണ് ബോധവല്‍ക്കരണം എന്ന രീതിയില്‍ തുറന്ന വേദികളില്‍ മാജിക് നടത്തുന്നത്. വര്‍ഗീയ വാദികളില്‍ നിന്നും ഇന്ത്യയെ യുവജനങ്ങള്‍ മോചിപ്പിക്കുന്നതിന്റെ സന്ദേശം അത്യന്തം അപകടകരമായ "Electric-fire torture escape" എന്ന ജാലവിദ്യയിലുടെ കൊല്ലം മൈതാനിയില്‍ ആയിരങ്ങളെ സാക്ഷി നിര്‍ത്തി ഷാജു അവതരിപ്പിച്ചു. 

കൊക്കോ കോള യുടെ ദൂഷ്യ ഫലങ്ങളെ തുറന്നടിച്ചുകൊണ്ട് അദ്ദേഹം നടത്തിയ മാന്ത്രിക യാത്ര ഒരു കോള വിരുദ്ധ തരംഗം തന്നെ സൃഷ്ടിച്ചു. കേരളത്തില്‍ പകര്‍ച്ചപനി വ്യാപകമായതോടെ ആയിരത്തില്‍ അധികം വേദികളിലാണ് അദ്ദേഹം ബോധവല്‍കരണ മാജിക്‌ അവതരിപ്പിച്ചത്. മാരക രോഗങ്ങള്‍ ബാധിച്ചു ആശുപത്രി കിടക്കകളില്‍ ജീവിതം നയിക്കുന്നവര്‍ക്ക് ആശ്വാസം പകരുന്നതിനായി തിരുവനന്തപുരം RCC യില്‍ നടത്തിയ "confidence through magic" എന്ന പരിപാടി ഒരു മജിഷ്യന്‍ എന്ന രീതിയില്‍ സമൂഹത്തിനോടുള്ള തന്‍റെ കടമ നിറവേറ്റുന്ന ഒന്നായിരുന്നു. 

കുട്ടികളും സമൂഹവും 

"പഠിപ്പിക്കാന്‍ എളുപ്പം കുട്ടികളെ തന്നെയാണ്. കളങ്കമില്ലാത്ത മനസാണ് അവര്‍ക്ക് . മാജിക്കുകളിലൂടെ സമൂഹത്തിലെ കൊള്ളരുതായ്മകളെ എനിക്ക് നല്ലവണ്ണം പറഞ്ഞു മനസിലാക്കാനും അവരെ കൊണ്ട് ചിന്തിപ്പിക്കാനും കഴിഞ്ഞിട്ടുണ്ട്. എന്നാല്‍ ബോധവല്‍ക്കരണം എന്ന രീതിയില്‍ പൊതുജനങ്ങള്‍ക്കിടയില്‍ മാജിക് നടത്തുമ്പോള്‍ അതിന്റെ ഫലപ്രാപ്തി താരതന്മേന്യ കുറവാണ് മുതിര്‍ന്നവരില്‍."

മാജിക്കിന്‍റെ രഹസ്യ സ്വഭാവം സൂക്ഷിക്കുക എന്നതാണ് ഓരോ മാജിക്കിന്‍റെയും മുന്നില്ലുള്ള വെല്ലുവിളി . പൊതു വേദികളില്‍ മാജിക് അവതരിപ്പികുമ്പോള്‍ കൂടുതല്‍ പേരും അതിന്‍റെ പിന്നിലെ രഹസ്യമാകും തിരയുക. "പോക്കറ്റടിക്കാരന്റെ ചങ്കൂറ്റവും കൈ വേഗതയും, കള്ളക്കടത്തുകാരന്‍റെ ജാഗ്രതയും, ഒരു പാല്‍ കച്ചവടക്കാരന്‍റെ നിര്‍വികാരതയും ഉണ്ടെങ്കില്‍ മാത്രമേ മാജിക്‌ മുന്നോട്ട് കൊണ്ട് പോകാന്‍ സാധിക്കുകയുള്ളൂ. എപ്പോളും പിടിക്കപ്പെടാം എന്നുള്ള അവസ്ഥ. പിഴവുകള്‍ സംഭാവിചിട്ടുന്ടെങ്കിലും ആര്‍ക്കും പിടികൊടുക്കാതെ മുന്നോട്ടു കൊണ്ട് പോകാന്‍ പലപ്പോഴും കഴിഞ്ഞിട്ടുണ്ട് . പരിപാടി കഴിയുമ്പോള്‍ പലരും അതിന്‍റെ രഹസ്യം ചോദിച്ചു വന്നിടുണ്ട്. അവര്‍ക്കൊക്കെ മാജിക്‌ അക്കാദമിയില്‍ ഒരു അഡ്മിഷന്‍ എടുത്താല്‍ മതി എന്നാകും മറുപടി. താല്പര്യമുള്ളവര്‍ ആണെങ്കില്‍ തീര്‍ച്ചയായും പഠിക്കാനായി വരും. അങ്ങനെ ഉള്ളവര്‍ക്ക് മാത്രമേ അതിന്‍റെ രഹസ്യ സ്വഭാവം കാത്തു സൂക്ഷിക്കുവാനും പറ്റുകയുള്ളു".

സ്കൂളിലെ ബോധവല്‍ക്കരണം 

ജൂണ്‍ ഒന്നിന് കിളിമാനൂര്‍ ബി.ആര്‍.സി.യുടെ ബ്ലോക്ക് തല പ്രവേശനോത്സവത്തില്‍ അന്തരീക്ഷത്തില്‍ നിന്ന് ഒന്നാംക്ലാസ് പാഠപുസ്തകമെടുത്ത് ബി.പി.ഒ. സോമസുന്ദരംപിള്ളയ്ക്ക് സമ്മാനിച്ചുകൊണ്ടാണ് പരിപാടി തുടങ്ങിയത്. പരിസ്ഥിതി ദിനത്തില്‍ മതസൗഹാര്‍ദത്തിനും മാനവരാശിക്കും വേണ്ടി 'ഒരുമരം' എന്ന സന്ദേശമുയര്‍ത്തിക്കൊണ്ട് കടയ്ക്കല്‍ ഗവ.എച്ച്.എസ്.എസില്‍ നടന്ന ജാലവിദ്യയില്‍ മുല്ലക്കര രത്‌നാകരന്‍ എം.എല്‍.എ.യെ മാന്ത്രികനാക്കിക്കൊണ്ടായിരുന്നു പ്രകടനം. ക്രിസ്ത്യന്‍ മുസ്ലിം ഹിന്ദു വിദ്യാര്‍ത്ഥികളുടെ കൂട്ടായ്മയില്‍ ജാലവിദ്യയിലൂടെ മുളപ്പിച്ചെടുത്ത വിത്ത് സ്കൂള്‍ വളപ്പില്‍ തന്നെ നട്ട്‌ ഇപ്പോഴും പരിപാലിച്ചു പോകുന്നു.

വായന ദിനത്തില്‍ നിരക്ഷരത ഇല്ലായ്മ ചെയ്യുക എന്ന സന്ദേശം പരത്തി മുഖ്യമന്ത്രി ഉമ്മന്‍ ചാണ്ടിയെ മജിഷ്യന്‍ ആക്കികൊണ്ട് വെള്ളരി പ്രാവിനെ പറത്തിയത് ഏറെ വാര്‍ത്ത‍ പ്രാധാന്യം നേടിയിരുന്നു. 'വിമുക്ത ലഹരി' ലഹരി വിരുദ്ധ ദിനത്തിലും, 'യുദ്ധ വിരുദ്ധ ജാലം' നാഗസാക്കി ഹിരോഷിമ ദിനത്തിലും, 'ഇന്ത്യ ജാല്‍' സ്വാതന്ത്ര്യ ദിനത്തിലും ജില്ലയിലെ വിവിധ സ്കൂളുകളില്‍ അവതരിപ്പിച്ചു. Oct 2 ന്‍റെ സവിശേഷത ഗാന്ധി ജയന്തി മാത്രമല്ല എന്ന് മലയാളികളെ ഓര്‍മ്മിപ്പിച്ചു കൊണ്ടാണ് 'മായക്കണ്ണാടി' എന്ന പേരില്‍ രാജാ രവിവര്‍മയുടെ നൂറ്റിയഞ്ചാം ചരമവാര്‍ഷികത്തോടനുബന്ധിച്ച് കിളിമാനൂര്‍ ആര്‍.ആര്‍.വി.ജി.എച്ച്.എസ്.എസി ല്‍ ഷാജു കടയ്ക്കല്‍ വിസ്മയം തീര്‍ത്തത്.

രാജാ രവിവര്‍മ എന്ന പേരിലെ അക്ഷരങ്ങളെഴുതിയ കാര്‍ഡുകള്‍ വ്യത്യസ്തക്രമത്തില്‍ വിന്യസിച്ചുകൊണ്ടാണ് ജാലവിദ്യ തുടങ്ങിയത്. ബി.സത്യന്‍ എം.എല്‍.എ., കിളിമാനൂര്‍ പഞ്ചായത്ത് പ്രസിഡന്റ് കെ.ജി.പ്രിന്‍സ്, പി.ടി.എ. പ്രസിഡന്റ് ജെ.സുരേഷ്, പ്രഥമാധ്യാപിക ബി.ലൈല എന്നിവരടങ്ങുന്ന സദസ്സ് അക്ഷരമാലാ ക്രമം നിശ്ചയിച്ചു. എവിടെ എങ്ങനെ തിരിച്ചും മറിച്ചും വെച്ചാലും താരതമ്യംചെയ്താലും രാജാരവിവര്‍മയ്ക്ക് തുല്യം രാജാരവിവര്‍മ മാത്രം എന്ന സന്ദേശവുമായി അക്ഷരങ്ങള്‍ രാജാരവിവര്‍മ എന്നായി മാറി.

വേദിയില്‍ സ്ഥാപിച്ച കണ്ണാടി സദസ്യര്‍ പരിശോധിച്ച് ശുദ്ധമെന്നുറപ്പുവരുത്തി. തുടര്‍ന്ന് നാല്പത് രവിവര്‍മ ചിത്രങ്ങളുടെ പേരുകള്‍ രേഖപ്പെടുത്തിയ നറുക്കുകള്‍ പരിശോധിച്ചു. അതില്‍നിന്നും ബി.സത്യന്‍ എം.എല്‍.എ. ഒരു നറുക്കെടുത്തു. മറ്റാരും കാണാതെ ആ നറുക്ക് സൂക്ഷിച്ച് അദ്ദേഹം കണ്ണാടിയിലേക്ക് നോക്കവേ നറുക്കിലെഴുതിയിരുന്ന 'ഹംസദമയന്തി' കണ്ണാടിയില്‍ തെളിഞ്ഞു. നറുക്ക് കെ.ജി. പ്രിന്‍സ് പരിശോധിച്ച് ശരിയെന്നുറപ്പുവരുത്തിയതോടെ സദസ്സില്‍ കരഘോഷം മുഴങ്ങി. തുടര്‍ന്ന് സദസ്യര്‍ ഓരോരുത്തരും എടുത്ത നറുക്കുകളിലെ ചിത്രങ്ങള്‍ കണ്ണാടിയില്‍ തെളിഞ്ഞു.

മകളുടെ മാജിക് 

"വളരെ അവിചാരിതമായാണ് മകള്‍ ഗോപിക പൊതു വേദിയില്‍ മാജിക്‌ അവതരിപ്പിക്കുന്നത്‌. ഞാന്‍ ചെയ്യുന്ന മാജിക്‌ എല്ലാം അവള്‍ കൂടെ നിന്ന് കണ്ടു പഠിക്കുന്നുണ്ടായിരുന്നു. ഒരു നഴ്സറി സ്കൂളിന്‍റെ വാര്‍ഷികത്തില്‍ ഞാന്‍ മാജിക്‌ അവതരിപ്പിച്ചു കൊണ്ട് നിന്ന ഇടവേളയില്‍ വേദിയിലേക്ക് ഓടി കേറി വരുകയായിരുന്നു . അടുത്തതായി ഞാന്‍ ചെയ്യേണ്ടിയിരുന്ന മാജിക്‌ സാധനങ്ങളുമായാണ് വരവ്. സദസില്‍ ഇരുന്നവര്‍ കയ്യടികളോടെ സീകരിക്കുകയും ചെയ്തു . ആ മാജിക്‌ പിന്നെ ഗോപിക തന്നെ അവതരിപ്പിച്ചു കയ്യടി നേടി. അങ്ങനെ മുന്നാം വയസില്‍ തുടങ്ങി ഇപ്പോളും എന്‍റെ കൂടെ സ്കൂളുകളില്‍ മാജിക്‌ അവതരിപ്പിക്കാന്‍ ഗോപിക ഉണ്ടാകും." ഇതിനോടകം നുറിലധികം വേദികളില്‍ ഗോപിക മാജിക്‌ പ്രകടനം നടത്തി. മന്ത്രിയായിരുന്ന എം.വിജയകുമാറിനെ മാന്ത്രികനാക്കി അക്രമത്തിനും അഴിമതിക്കും എതിരെ ഗോപിക തീര്‍ത്ത വിസ്മയം ഏറെ ശ്രദ്ധിക്കപ്പെട്ടിരുന്നു. കൊല്ലം ജില്ലയിലെ കടയ്ക്കല്‍ ഗവ. യു.പി.സ്‌കൂളിലെ ഒന്നാം ക്ലാസ് വിദ്യാര്‍ഥിനിയാണ് ഇപ്പോള്‍ ഗോപിക.


മികച്ച പൊതു പ്രവര്‍ത്തകന്‍ എന്ന പേരില്‍ ഗാന്ധിയന്‍ സ്റ്റഡി സെന്‍റെര്‍ ന്‍റെ ഗാന്ധി ദര്‍ശന്‍ അവാര്‍ഡ്‌ 2002 -ലും അതെ പേരില്‍ തന്നെ റൂറല്‍ കമ്മ്യൂണിറ്റി ഡെവലപ്മെന്‍റ് സൊസൈറ്റി അവാര്‍ഡും ഷാജുവിനു ലഭിച്ചിട്ടുണ്ട്. സ്വന്തം നാട്ടില്‍ വച്ച് ആനപ്പാറ സുഭാഷ്‌ മെമ്മോറിയല്‍ ഗ്രന്ഥശാലയുടെ അംഗീകാരം മറക്കുവാനാകാത്ത ഒരു അനുഭവമായിരുന്നു ഷാജുവിന്. 

“1997 ല്‍ ഹൌഡിനി ഡേ ദിനാചരണത്തിന്‍റെ ഭാഗമായി മാജിക്‌ അവതരിപ്പിക്കാന്‍ തിരഞ്ഞെടുത്ത 3 പേരില്‍ ഒരാളാകാന്‍ കഴിഞ്ഞത് എന്‍റെ മാജിക്‌ ജീവിതത്തിലെ ഒരു സുവര്‍ണ്ണ നിമിഷം തന്നെ ആയിരുന്നു. മാജിക്‌ ഷോ കഴിഞ്ഞു വേദിയിലേക്ക് കയറി വന്നു ദയാനന്ദ് സര്‍ (President :: International Brotherhood of Magicians) എന്നെ കെട്ടിപിടിച്ച് അഭിനന്ദിച്ചത് ഏറ്റവും വലിയ അഗീകാരമായി കരുതുന്നു."

മാജിക്കിലൂടെ മുളപ്പിച്ചെടുത്ത വിത്ത് പാകി നട്ട മരം ഇപ്പോളും പരിപാലിച്ചു പോകുന്നതും, ലഹരി വിരുദ്ധ പ്രകടനം കഴിഞ്ഞു സ്കൂളിലെ കുട്ടികള്‍ “ഞങ്ങള്‍ ഇനി ‘ശംഭു’ ഉപയോഗിക്കില്ലാ സര്‍” എന്ന് നേരിട്ട് വന്നു പറഞ്ഞതും മറക്കാനാകാത്ത അഗീകാരങ്ങളായി ഷാജു കടയ്ക്കല്‍ ഓര്‍ത്തെടുക്കുന്നു. 

ഭാവി പദ്ധതികള്‍ 

വരും നാളുകളിലുള്ള വിശേഷ ദിവസങ്ങളില്‍ ബോധവല്‍കരണ മാജിക്‌ അവതരിപ്പിക്കാനുള്ള തയ്യാറെടുപ്പിലാണ് ഷാജു കടയ്ക്കല്‍. ജില്ലയിലെ എല്ലാ സ്കൂളുകളിലും ഇത് പോലെയുള്ള ബോധവല്‍ക്കരണ മാജിക്‌ ഷോ അവതരിപ്പിക്കണം എന്നാണ് അദ്ദേഹത്തിന്‍റെ ആഗ്രഹം. ഓരോ വിദ്യാഭ്യാസ ജില്ലയുടെയും കീഴിലുള്ള ഉദ്യോഗസ്ഥരെ കണ്ടു നിര്‍ദേശം സമര്‍പ്പിക്കാന്‍ ഒരുങ്ങുകയാണ് ഷാജു കടയ്ക്കല്‍. ഉത്സവ സീസണ്‍ ആയതോടുകൂടി മാജിക്‌ ഷോ അവതരിപ്പിക്കാനും തയ്യാറെടുക്കണം. ഓരോ വര്‍ഷവും അന്‍പതില്‍ അധികം വേദികളില്‍ മാജിക്‌ ട്രൂപ്പായി പ്രോഗ്രാം അവതരിപ്പിക്കാറുണ്ട്. ഒരധ്യാപകന്‍ എന്ന ഉത്തരവാദിത്വം കൂടി ഉള്ളതുകൊണ്ട് അവധി ദിവസങ്ങളിലും രണ്ടു മാസത്തെ വേനല്‍ അവധിക്കാലത്തുമാണ് കൂടുതലും പരിപാടികള്‍ ചെയ്യുന്നത്.


ഭാര്യ അനിത മടത്തറ എസ്.എന്‍. യു. പി സ്കൂളിലെ സയന്‍സ് അധ്യാപികയാണ്. മൂത്ത മകള്‍ ഗോപിക ഇളയമകള്‍ മാളവിക . അമ്മയോടൊപ്പം കടയ്ക്കല്‍ വീട്ടിലാണ് താമസം.

ഏകദേശം 3 മണിക്കൂര്‍ നേരം ഞങ്ങള്‍ തമ്മിലുള്ള സൗഹൃദ സംഭാഷണം നീണ്ടു പോയി . 'ഇതുവരെ കഴിയാറായില്ലേ' എന്ന രീതിയിലുള്ള അദ്ദേഹത്തിന്‍റെ നോട്ടത്തിന്‍റെ അര്‍ത്ഥം മനസിലാക്കി ഒരു മാജിക്‌ കൂടി കണ്ടിട്ട് അവസാനിപ്പിക്കാന്‍ തീരുമാനിച്ചു. മകള്‍ ഗോപികയാണ് മാജിക്‌ അവതരിപ്പിച്ചത് . എല്ലാവരെയും പോലെ മാജിക്കിന്‍റെ പിന്നിലെ രഹസ്യം ചോര്‍ത്താനുള്ള വ്യഗ്രത ആയിരുന്നു എനിക്കും. എന്നാല്‍ എന്‍റെ കണ്ണുകള്‍ക്ക്‌ പിടിതരാതെ ഗോപിക ഭംഗിയായി മാജിക്‌ അവസാനിപ്പിച്ചു . അതിന്‍റെ രഹസ്യം ആരാഞ്ഞപ്പോള്‍ ഷാജു കടയ്ക്കലിന്‍റെ മുഖത്ത് ഒരു ചെറു പുഞ്ചിരി . ചിരിയുടെ അര്‍ത്ഥം മനസിലിക്കാന്‍ എനിക്ക് അധിക നേരം വേണ്ടി വന്നില്ല . “മാജിക്‌ അക്കാദമിയില്‍ ഒരു അഡ്മിഷന്‍ എടുക്കാന്‍ തന്നെ തീരുമാനിച്ചു”

Article by KVT

Magician Shaju Kadakkal | Professional magician | Magic Show